Ekki veitir af

Ekki mun af veita að hreinsa út úr spillingarbælinu Íslandi. Ég veit svosem ekki hvar á að byrja eða hvar á að enda í þeim skítmokstri og eins er líklegt að mjög margir þeirra sem hvað lengst gengu í ráninu sleppi. Það verða mörg ár í að þau sár grói sem þetta siðspillingarhiski skilur eftir sig.

Eva Joly hreinsar út á Íslandi

Athugasemdir

[Finnur Bárðarson, 18.3.2009 kl. 18:53]

Það mun aldrei króna skila sér til baka. En sárabót verður að sjá þessa nokkra tugi einstaklinga, sem ollu þessu, í handjárnum, í fangelsum og að eilífu útskúfaðir úr Íslensku samfélagi. Segi það bara hreint út ég vil hefnd og hún á að verða miskunnarlaus.

[Þórarinn Sigurðsson, 18.3.2009 kl. 21:46]

Siðspilling er mjög sterkt orð. Nú veit ég ekki hvaða skilgreiningar menn eru að nota á spillingarhugtakinu, en allar alþjóðlegar samanburðarrannsóknir síðustu ára staðsetja Ísland meðal allra minnst spilltu ríkja í heimi, t.d. matið sem þessi grein vísar til:

http://www.icenews.is/index.php/2007/09/01/iceland-ties-for-least-corrupt-country-on-earth/

Varla hafa stjórnkerfið og Sjálfstæðisflokkurinn verið meðal þeirra minnst spilltu sinnar gerðar í heiminum árið 2007 og síðan allt í einu orðið spillingunni að bráð á nokkrum mánuðum?

Ég skil skoðun þína, Finnur, og ber virðingu fyrir réttlætisþorsta þínum. Ég er hins vegar sannfærður um að nákvæmlega vegna þessarra tilfinninga sem blossa upp í okkur á svona tímum séu vestræn réttarkerfi sniðin á þann hátt sem þau eru -- án miskunnarlausrar hefndar. Stundum dugir ekki að fylgja blóðinu.

[Sigurður Haraldsson (IP-tala skráð) 18.3.2009 kl. 23:34]

Enga miskunn til handa glæpamönnunum þeir hafa ekkert til málsbóta allt saman græðgisvín.

það er búið að biðja þá að skila peningunum í góðu og það hafa þeir ekki gert nema Bjarni Ármannson og það bara smáaurum af hans þjófnaði.