Hættum líka að veiða fisk.

Ef þetta er rétt eftir Steingrími haft langar mig til að leggja til að við íslendingar hættum fiskveiðum við ísland alfarið. Það eru nefnilega hópar úti í heimi sem hafa andstygð á fiskveiðum og þeim veiðiaðferðum sem við beitum. Þarna eru á ferðinni umhverfissinnar og fólk sem telur að veiðar með botnvörpu, flotvörpu. netum og eða öðrum veiðarfærum eyðileggi eða skemmi þau svæði sem fiskurinn heldur sig á. Ég veit að margt af því sem haldið er fram varðandi þetta er rétt. Við þessu er hægt að bregðast að mínu mati án þess að banna fiskveiðar. Að veiða hval eða önnur dýr en fisk lítur sömu lögmálum. Veiðiaðferðirnar hafa verið stórbættar og dauðastríð hvalsinns er ekki lengra en þorsksinns sem sprikklar á dekkinu áður en hann er blóðgaður. Eftir blóðgun deyr hann í rólegheitum á nokkrum mínútum. En ef það er svo að Steingrímur og félagar í Vinstri Grænum vilja ekki styggja hvalverndunarsinna með því að stunda sjálfbærar veiðar þessara sjávarnytja liggur náttúrulega næst fyrir að fara að kröfu fisk-friðunarhópanna til að styggja þá nú ekki. Ég á ekki orð.

Vilja stöðva hvalveiðar á næsta ári